Media britanike “The Sun” i ka kushtuar një artikull prezantueses shqiptare të futbollit Eva Murati.
Ajo e ka cilësuar yllin shqiptar si prezantuesja më magjepse e Ligës së Kampionëve.
“Eva , 28 vjeç, është një personazh i talentuar televiziv që po ndez ekranet në Shqipëri.”- shkruan The Sun.
Komentet në llogarinë e Evës nuk mund të liheshin pa u kapur nga media britanike, të cilat përveçse që janë pozitive mbi punën e saj, gjithashtu vëjnë në pah bukurinë e saj.
“E bukur”, “Mbreteresha”, “Ajo buzëqeshje”, “E mrekullueshme”, janë disa prej replikave të shumta që Eva Murati merr.
Gazetarja e The Sun, Laura Woods, ka parashtruar pak nga jeta e prezantueses, duke u shprehur se 28 vjeçarja ka përfunduar Universitetin e Drejtësisë, por jeta e saj televizive ka nisur që në moshën 18 vjeç.
Përfshirja e saj në ekran, vjen nga komunikimi i rrjedhshëm i gjuhës italiane, duke e përdorur një aset të tillë në një program shqiptaro-italian.
“Me afro një milion ndjekës në Instagram, Eva e mrekullueshme është një kërcënim i trefishtë – aktore, prezantuese dhe modele.”- shkruan gazetarja për The Sun
Prezantuesja që prej vitit 2017 prezanton Ligën e Kampioneve në Shqipëri.